BESTE IKASKIDE BATEN BLOGAREN EBALUAKETA

Kaixo!

Beste blog baten ebaluaketarekin natorkizue oraingoan. Badakit jada "derrigorrezko" ebaluaketa eginda daukadala (Beñat Arandarena), baina beste bat egitea eskatu didatenez, Eder Otaduyren blogarena egiten saiatuko naiz.

Teknologiaberriaklh blogaren ebaluaketan aipatu nuen bezala, azterketa atalka egitea eskatu zaigu, bakoitzean nota bat ipiniz (1 = Eskas, 2 = Hobetzeko, 3 = Ondo, 4 = Oso ondo).

Lehenengo atala ikaslearen oharrarenak dira: 4 bat ipiniko diot atal honetan, egilearen ohar ugari agertzen direlako, baina faltan botatzen ditut iritzi pertsonal edo gogoeta gehiago. Horregatik bigarren atalean (analisia eta gogoeta) 3 bat ipintzea erabaki dut.

Sormena eta originaltasunari dagokionez, 4 bat ipiniko diot, blogaren sarrera VOKI webgunearen bitartez egindako katu batek egiten duelako, eta horretaz aparte irudiak eta Mindomo mapa bat ere ikusi ahal dugulako.

Atalen arteko loturari hitz egiterakoan, bai ikusten dudala lotura bat (azken finean sarrera guztiak teknologia berriekin lotuta daude), baina ez dut ikusten erlaziorik artikulu berri eta zaharren artean, ezta aipamenik ere. Horregatik 3 bat ipiniko diot.

Eta bukatzeko, aurkezpena eta hizkuntzaren zuzentasuna aipatuko ditut. Azken honetan bai ikusten direla akats ortografiko eta gramatikal batzuk; dena den 3 bat merezi duela uste dut. Eta aurkezpenari dagokionez, nik uste zaindua eta egokia dela, eta horregatik 4 bat ipiniko diot.


Hona hemen ikaskide honen blogaren esteka:


http://www.teknologiaberriaktic.blogspot.com.es/

TALDEKO LANA: ARBEL DIGITAL INTERAKTIBOARI BURUZKO MINDOMOA

Ongi etorri berriro!! 

 Oraingoan taldeka egindako lan bat aurkezten dizuet, gaur egun hezkuntza munduan hainbeste aipatzen diren Arbel Digital Interaktiboen inguruan. Bertan,azken hauen eta arbel tradizionalen arteko konparaketa bat ikusteko aukera izango duzue, era berean bien inguruko datu ezberdinak ere ikusiz. 

 Irakasle ezberdinen iritziak ere agertzen dira, azken finean hauek baitira baliabide honekin lan egiten edo egingo dutenak: batzuk pozik daude, beste batzuk lan handia ematen dutela azpimarratzen dute... baina orokorrean guztiek azpimarratzen dute gauza bera: baliabide hauek era egokian erabili behar direla hezkuntzan hobekuntzak egon daitezen. 

 Bukatzeko esango dut datu guzti hauek MINDOMO baten bitartez aurkeztuko dizkizuedala, blog honetan jada aipatu dudan mapa kontzeptualak egiteko programa. 

 Espero dut zuentzat ere baliagarria izatea!

LEHEN HEZKUNTZAKO IKASLEEKIN Scratch-en BITARTEZ EGITEKO JARDUERA BATEN PROPOSAMENA

Kaixo berriro! 

 Azken argitalpenetan Scratch programarekin ibili izan gara, pixkat azaltzen zer den eta zertarako erabili daitekeen, eta baita ariketa sinple bat egiten. Baina nola lagundu diezaguke programa hau lehen hezkuntzako klase batean? Ze nolako ariketak egin ditzakegu? 

 Egia esan, Scratch programari buruz dakidana oso gutxi da; beraz ariketa sinplea izango da, nire kasuan. 

Matematika klasean erabiltzeko jolasa izango litzateke, batuketak, kenketak, biderketak eta zatiketak lantzeko modukoa. Oinarria laberinto bat izango litzateke, non irteera aurkitzeko eragiketak ondo egin beharko litzatekeen. Adibidez, pertsonaia hasierako puntutik abiatu eta lehenengo bide-gurutzera heltzerakoan, eragiketa batekin aurkituko litzateke. Bide egokitik joateko emaitza asmatu beharko luke. Eta horrela bide gurutze bakoitzean eragiketa mota ezberdinak ipiniz. 

 Gauza bera egin daiteke, adibidez, Txanelako gai bati buruzko galdera eta erantzunekin. Modu horretan ikasleek teoria modu ezberdin eta dinamikoago batean ikasiko lukete. 

 Hona hemen lehenengo ariketaren adibide bat, SCRATCH programarekin egina.

Scrath programarekin egin ditzakegun ariketa

Kaixo!!

Hemen ekartzen dizuet Scrath programarekin izan dugun lehen esperientziaren emaitza. Ez da aparteko gauza bat, baina hurrengokoan zerbait mamitsua eskaintzea espero dut!!

Scratch Programa

Scratch programazio-lengoaia ikasteko oso proposamen dibertigarria da, jolasak, animazioak, musika eta artea sortzeko aukera ematen baitigu. Ikasleak tradizionalagoak diren beste programazio-lengoaietara hurbiltzeko tresna paregabea da. Scratch programarekin proiektuak garatuz, funtsezkoak diren matematikako eta informatikako kontzeptuak ikas ditzakegu (Eskola 2.0 ordenagailuetan barne). Gainera, ikasleei eta gazteei  era sortzailean pentsatzeko, sistematikoki arrazoitzeko eta elkarlanean aritzeko aukera ematen die.

Scratch-en eraikuntza-blokeka programatzen dugu. Hor dago bere originaltasunaren gakoa. Beste programazio-lengoaiekin alderatuz, askotan nahasgarriak direnak, Scratch programaren piezak puzzle batean bezala edo betiko eraikuntza-jolas batean bezala jartzen dira. Horrela, hamaika animazio eta jolas sor ditzakegu.

Scratch-ek ikasgelan, besteak beste, hurrengo aukerak eskaintzen ditu:

• Pentsakera logiko eta algoritmikoa garatzea

• Era ordenatuan eta metodikoan arazoak ebazteko metodoak garatzea

• Nork bere lanari buruzko autodiagnosia egiteko ohitura garatzea

• Nork bere ideiak zalantzan jartzeko ahalmena garatzea

• Abiapuntu sinpleetatik emaitza konplexuak lortzeko aukera

• Norberaren gaitasunen arabera, erritmo egokian lan egiteko aukera

• Kontzeptu matematikoak ikasi eta bereganatzeko/barneratzeko aukera: koordenatuak, aldagaiak, algoritmoak, ausazkotasuna

• Programazioaren oinarriak ikasteko aukera

• Baliabide desberdinak erabiltzeko aukera: soinuak, irudiak, testuak, grafikoak…

• Ezagutzaren trukearen bitartez elkarrekiko ikasketa ahalbideratzea

Scracht erabiltzeko erreferentzia GIDA

Scratch Day MIT Media Lab elkarteko “Lifelong Kindergarten Gruop” taldeak sortutako eta garatutako ideia da. Munduko hainbat puntutik aldi berean egiten den jardunaldia da, eta gertakari bakarrean batzen ditu elkarbanatzen ikasteko eta ikasten elkarbanatzeko interesa duten pertsonak, betiere Scratch lotune dutelarik.

KIDE BATEN BLOGAREN EBALUAKETA

Kaixo!!

Oraingo honetan ebaluatzaile lana egitea egokitu zait, kide baten blog-a ebaluatuz. Aipatutako kidea Beñat Arandarena da, Magisteritza eskolan Lehen Hezkuntzako irakaslea izateko ikasten ari den etorkizuneko irakaslea. Hona hemen bere blog-aren helbidea:

http://www.teknologiaberriaklh.blogspot.com.es/

 Atal ezberdinak ebaluatu behar ditut, kategoria bakoitzean nota bat ipiniz (1= eskas; 2 = hobetzeko; 3=ondo; 4 = oso ondo). Dena den, aipatu beharra daukat ebaluazio hau ez dela behin betiko bezala hartu behar, datorren egunetan Blog hori eguneratzen joango delako, atal batzuetan nik ipinitako nota gora joanez. Baina momentuz dagoena ebaluatzen saiatuko naiz orain.

Lehenengo kategoria Ikaslearen oharrak izango litzateke: 3 bat emango diot atal honetan, guztiak agertzen ez diren arren, landu ditugun testu gehienak agertzen direlako.

Bigarren puntuan ikasleak egindako analisiak eta gogoetak ditugu: atal honetan 2 bat ipini diot, testu dezente landu dituelako, baina horiei buruzko ohar edo iritzi pertsonal gutxi agertzen direlako.

Sormena eta originaltasunari dagokionez, 2 bat eman behar diot, testuak nahiko linealki lantzen dituelako, tarteka zerbait ezberdina sartuz. Irudiak, bideoak eta “AVATAR” delako bat ikusteko aukera ere badugu.

Testuen arteko loturari dagokionez, 3 bat ipintzen diot, testu guztiak Teknologia Berrien gairi buruzkoak direlako (normala; azken finean hauek lantzeko ireki dugu blog-a)

Hizkuntzaren zuzentasunean emango diot Beñati nota altuena, idazkera jasoa erabiltzen duelako, eta akats gramatikal edo ortografikorik ez duelako (ez oso garrantzitsuak, behintzat). Horregatik 4 bat ipintzen diot atal honetan.

Bukatzeko, aurkezpenaren kontua daukagu. Sarrera emateko lehen aipatu dudan Avatarra erabiltzen du, nahiko originala dena. Hala ere, irudiak faltan botatzen ditut, eta blog-a momentuz nahiko sinple dagoela ere aipatu beharra daukat. Horregatik 2 bat ematen diot.

Ebaluazioarekin bukatzeko bai gustatuko litzaidakeela gauza bat azpimarratzea: lagun edo kide baten ebaluaketa objektiboa egitea nahiko zaila da, eta are gehiago lagun horrek, niri gertatu zaidan moduan, blog-a oraindik bukatu ez duenean.

PIXTON; Komikiak era errazean egiteko baliabidea

Hemen daukazue klasean erabili dezakegun beste baliabide bat, PIXTON webgunea, komikiak egiteko erabili dezakeguna. Ikasleek asteburuan egindakoa , oporretan egindakoa , edota gertaera sinple bat modu dibertigarriago batean kontatzeko erabili dezakegu.

Nik, adibidez, praktika garaian Unitate Didaktikoa hasi nintzeneko lehen egunaren egoera bat ipintzen dizuet ondorengo komikian.

“IKT-ak ETA HEZKUNTZA PARADIGMA BERRIAK: ESKOLEN ERALDAKATEA, ERALDATZEN DUEN GIZARTE BATEAN" artikuluaren azterketa

Kaixo!

Oraingoan beste artikulu batekin etortzen gatzaizkizue, Roberto Carneirok idatzitakoa: “LAS TIC Y LOS NUEVOS PARADIGMAS EDUCATIVOS: LA TRANSFORMACION DE LA ESCUELA EN UNA SOCIEDAD QUE TRANSFORMA”. Euskaraz, tituluan ipintzen saiatu garen bezala, horrelako gauza bat izango litzateke: “IKT-ak ETA HEZKUNTZA PARADIGMA BERRIAK: ESKOLEN ERALDAKATEA ERALDATZEN DUEN GIZARTE BATEAN”. Titulu potoloa, ezta?

Hona hemen aipatutako artikulua:

http://www.seg.guanajuato.gob.mx/CEducativa/Documents/ArtCentroDocumental/2012/Marzo/Art%C3%ADculo8/LasTICyLosNuevosParadigmasEducativos.pdf

Egia esan behar badugu, artikulua oso zaila da ulertzeko, eta horregatik hurrengo azterketan gauza aipagarrienak ipintzen saiatu gara.

AZTERKETA:

Gutxi gorabehera artikulu honetan hezkuntza instituzioek gaur egungo gizartean eragina izateko egin beharreko aldaketei buruz hitz egiten da. Hiru aldaketa mota proposatzen dira:

1. Hezkuntza industria bezala ikustetik hurbiltasunezko zerbitzu bezala ikustera pasatzea.

2. Irakasten duten eskoletatik, ikasten duten eskoletara pasatzea

3. Ikasketen asoziazionismotik, ikasketen konstruktibismora pasatzea.

Lehenengo aldaketari buruz bakarrik esan dezakegu zerbitzu publikoak fama txarra daukatela herritarrekiko erlazioei dagokienez, eta hori aldatu beharra dago. Horregatik eskolak pertsona bakoitzaren talentuak modu naturalean loratzeaz arduratu behar dira, baina beti ere pertsona hori errespetatuz.

Bigarrenari dagokionez, aipatzen diren lau ikasketa motak azpimarratuko genituzke: izaten ikastea, ezagutzen ikastea, egiten ikastea eta elkarrekin bizitzen ikastea. Hauek dira izatez garapen pertsonalerako beharrezkoak direnak, eta hauek dira hezkuntza munduan sustatu behar direnak, horretarako eskoletan behar diren aldaketa guztiak eginez.

Bukatzeko, azkenengo  aldaketa daukagu, agian zailena izan daitekeena. Asko irakurri izan dugu irakaskuntza konstruktibistaren inguruan, baina nola erabili ditzakegu teknologia berriak beharrezkoak diren aldaketa horiek lortzeko. Azken finean, lortu behar duguna zera da: parte hartzearen bitartez ikastea, eta ez bakarrik kontrolaren bitartez.

MANEL RIVES irakasleari egindako elkarrizketa: BIDEOA + ANALISIA

Manel Rivesek, A Coruñako CEIP Sigüeiroko irakasleak, Teknologia Berriei buruz hitz egiten digu bideo honetan, eta horretaz aparte, hezkuntzan egin beharreko eraldaketak ere aipatzen ditu. Hona hemen irakasle honi egindako elkarrizketa.

ANALISIA:

Behin bideoa ikusi eta gero, esan dezakegu ados gaudela irakasle honek esaten duenarekin, batez ere eskoletan praktikak egiten egon eta gero.

Rives-ek esaten duen lehenengo gauza teknologia berriak geneuzkan arazoak konpondu ez dituztela da, metodologia eta sistema aldatu ez direlako, klasean tramankuluak sartu baizik. Honek gastu handia ekarri du gainera, aspektu hauek aldatu ezean ez baitago inbertsiorik, gastua baizik. Lehenik ongi jakin behar dugu nola aldatu nahi dugun eskola, teknologia aldaketa horiek aurrera eramateko

Zer esan nahi du goian aipatutakoa?  Teknologiek ez dutela irakaskuntza aldatu, bazegoen irakaskuntza indartu baizik. Beraz ez da benetako aurrerapenik ez dela egon esan daiteke.

Baina zer egin dezakegu beharrezkoak diren aldaketak aurrera eramateko?

Lehenik eta behin irakasleok gara autokritika egin beharko genukeena: zer nahi dugu? Eta noski, gauzak aldatzeko gogoa beharko dugu, taldea teknologia berriei egokituz.

Ikasleak ere ez dira informazio hartzaile soilak izan behar, ideien sortzaileak baizik.  Laburbilduz, behin eta berriz gauza ezberdinak probatu beharko lituzke, arriskatzearen kultura, alegia.

Testu liburuei dagokionez, aldekoa da Manel Diges, beti ere ongi erabiliz gero, baina ez du uste digitalizatua ematea konponbidea denik. Dinamikak aldatu beharko lirateke,sormena, talde lana eta ikasleen arteko sinergiak bultzatuz.

Bideoaren analisiarekin bukatzeko, mugikortasunaren atala aipatzen du irakasle honek. Berarentzat funtsezkoa da, etorkizuna baita. Honen bidez, eremu formal eta informaleko jakintzak lortuko ditugu, eskolatik kanpo ere ikastea alegia.

VOKI webgunean egindako "AVATAR" laguntzailea

Hemen ekartzen dizuet VOKI webgunearen bitartez egindako Avatar laguntzailea. Baliabide interesgarria izan daiteke ikasleen atentzioa deitzeko edota eduki sinpleak emateko orduan, ezta?

Hona hemen avatar hauek erabiltzeko egoera batzuk:

- Edozein hizkuntzako irakasgaian ikasleen idazmena lantzen ari garenean, laguntza eskaini al digu Voki bat erabiltzea. Ikaslea Voki-ren testu koadroan (avatarra egitean agertzen dena) idatziko du bere esaldia, eta pertsonaiak ahozkatuko du ikaslea idatzitakoa (kontuan hartu behar dugu ordenagailua dela ahozkatzen duena; beraz, mirari handirik ere ez dugu espero behar). Gaizki baldin badago, ikasleak bera entzungo du bere akatsa, eta falta dena edo gaizki dagoena (irakaslearen laguntzaz) zuzenduko du.

- Edozein gai berria hasterakoan sarrera egiteko erabili al dugu, ikasleek Voki-a ikusita gaiarekiko interesa eratzeko eta motibazioa handitzeko.

- Batez ere Lehen Hezkuntzako azkeneko zikloan egin daitekeen beste jarduera bat, debate bat egitea da. Horretarako, bi Voki sortu al ditugu, bata bestaren aurrean jarrita, eta bakoitzari bi edo hiru argumentu jarriko dizkiegu. Ikasleei dibertigarria egingo zaie katu eta txakur baten arteko debatea, adibidez!

IKASLEEKIN ERABILTZEKO BALIABIDEAK: MINDOMO

Mindomo mapa kontzeptualak egiteko bitarteko paregabea dugu. Zure mapa kontzeptualean bideo, argazki, irudi, esteka ezberdinak... erabiltzeko aukera ematen du. Guzti hau sarera igo dezakezu mundu guztientzako eskuragarri edukiz. Era berean, ez dauka aparteko konplikaziorik eta guztiek erabiltzeko modukoa da. Beraz oso bitarteko ona dugu azalpenak emateko, informazioa era egokian eta modu sintetikoan antolatzeko eta estetikoki erakargarri egiteko.

* Dena den, alde txar bat aurkitu diogu: irudiak, bideoak... gehitzeko, "premium" kontua izatea eskatzen dizute; hau da, ordaindu behar da! Ez dut uste eskoletan prest egongo direnik (batez ere egungo egoera ekonomikoarekin) asko lagundu baina beharrezkoa ez den programa baten truke ordaintzeko. 

Hona hemen Euskal Herriko Historia lantzeko erabili daitekeen mapa, Mindomo programaren bitartez egina:

Euskal Herriko Historiaren Mapa Kontzeptuala

SCHANK: "El 'e-learning' actual es la misma basura, pero en diferente sitio" ARTIKULUA

Kaixo berriro!!

Roger Schank, Yale eta Standfordeko irakaslea

Orain arte ikusi ditugun artikulu, diapositiba... guztiak Teknologia berriei buruz joan dira, hauen alde onak, txarrak, hezkuntzan erabiltzeko aukerak... azalduz. Baina oso era zientifikoan hitz egiten zuten, ezta? Hitz konplexuegiak, ulertzeko zailak direnak, erabili izan dira artikulu hauetan. Eta gainera politikoki zuzenegiak direla ere esan daiteke.

Artikulu honetan, berriz, gauzak era sinple eta gordinago batean azaltzen dizkigu Roger Schankek. Teknologia berriek hezkuntzan duten erabilpenaz hitz egiten digu, eta gaur egungo hezkuntzan dauden arazoak ere azpimarratzen ditu, berarentzat egokiagoa izango litzatekeen eredua defendatuz.

Hona hemen aipatutako artikulua:

http://elpais.com/diario/2010/02/25/ciberpais/1267068270_850215.html

IRITZIA:

Interesgarria, ezta? Modu argi batean azaltzen digu Schankek teknologia berriei ematen ari dizkiegun erabilpena hezkuntzan; hau da, betiko hezkuntza sistema erabiltzen ari garela eta teknologiak bertan txertatu ditugula. Berak kontrakoa proposatzen du: sistema tradizionalak Teknologia Berrietara egokitzea.

Praktika azpimarratzen du hezkuntza metodo bezala: egiten ikastea. Honekin ados gaudela azpimarratzean ez dugu gezurrik esaten, baina hori zailegia da egungo ikasgai eta programekin: irakasle bat behartuta dago urte batean eduki jakin batzuk ematera, ikaslea etorkizuneko ikasketetan arazoak izan ez ditzan. Berak esaten duenez, historia, filosofia... praktiken bidez ikasi daitezke, simulazioen bidez. Baina zenbat denbora beharko zuen irakasleak hori guztia prestatzeko? Nondik aterako zuen behar zuen denbora? Beste ikasgaietatik?

Artikuluaren analisiarekin bukatzeko, irakasle honek egindako aitorpen bat aipatuko dugu, eta honekin bai ez gaudela ados: eskolak ez dira beharrezkoak. Ez dut uste hori ondo egongo litzatekeenik. Nahiz eta gaur egungo Hezkuntza Programak egokiak ez izan eta aldaketak egon behar diren, nik uste pentsaera estremistegikoa dela eskolak beharrezkoak ez direla esateak.Haurrak praktiken bidez ikas dezakete, bai, baina ikasketa emankorragoa izateko beharrezkoa da gida bezala balioko zaion irakasle bat berarekin egotea.

Gainera, eskolak, erakunde bezala, sozializazio prozesu bat ere burutzen dute; ikasleak taldean bizitzeko behar diren balioak ikasten dituzte haien arteko elkar eraginez.

Eta gure iritziarekin bukatzeko, pixka bat berekoi izaten ustea eskatzen dizuegu; azken finean, irakasle izateko egon gara 3 urtez prestatzen, eta eskolak kentzen badituzte, zer egingo dugu? Horregatik pentsatzen dugu eskolak beharrezkoak direla, baina ikasleak prestatzeko erabiltzen diren programak eta metodoak bai aldatu behar direla.

IRAKASLEEI "ESKOLA 2.0" PROGRAMARI BURUZ EGINDAKO INKESTA

Kaixo!!

Blog honetan IKTak gora eta behera gabiltza etengabe: zer diren, nola erabiltzen diren, zeintzuk dira bere alde onak, zeintzuk bere alde txarrak... baina zer pentsatzen dute egungo irakasleak teknologia berri hauei buruz? Hori da oraingoan ikusiko duguna, horretarako "La  Laguna" Unibertsitateko Manuel Area Moreirak egindako inkesta bat erabiliko dugularik.

http://www.slideshare.net/fullscreen/manarea/encuesta-prof-escuela202011/1

ONDORIOAK:

Hainbeste datu eta grafika ikusi ondoren, zer ondorio ateratzen dira? Goazen era eskematiko batean ikustera:

1. Irakasleek ideia ezberdinak dituzte TIC eta Eskola 2.0 programaren inguruan, bai Autonomi Erkidegoko Mailan eta baita etapa ezberdinen mailan ere.

2. Lehen Hezkuntzako irakasleak Eskola 2.o-rekiko balorazio hobeagoak dituzte (DBH-ko irakasleekin konparatuz).

3. Geletan teknologia asko badago ere, demanda handia dago oraindik.

* Puntu honetan beharrezkoa ikusten dugu zerbait aipatzea. Momentuz bloga oso berria den arren, Cristobal Cobo Romanik idatzitako artikuluan ikusi izan dugu teknologia asko izateak ez duela esan nahi hezkuntzan aurrerapenak egongo direnik. Teknologiak ONDO erabiltzen jakin behar dugu. Zertarako nahi ditugu ordenagailu pilo, arbela elektronikoa, “tableta” delakoak… irakasleak oraindik “Windows” bakarrik leiho asko direla pentsatzen badu? Gure ustez, hobe da pixkanaka hastea, eta behin ikasleak teknologia hauek erabiltzen dakitela ziurtatuta, orduan hasi ginateke gehiago demandatzen.  

4. Irakasleek ikuspegi positiboa daukate IKT-ek ikasleengan duten eraginarekiko.

5. Testu liburua eta arbela tradizionala oraindik asko erabilienak dira.

6. Ikastegiaren IKT koordinatzailearen irudia garrantzitsua dela pentsatzen da.

7. Irasleen prestakuntza egokia dela pentsatzen badute ere, informazio gehiago eskatzen dute.

8. Eskola 2.0-ren helburu eta ezaugarriei buruz informazio gehiago behar dela esaten dute.

CRISTOBAL COBO ROMANIRI EGINDAKO ELKARRIZKETA

Oraingoan beste egunean igotako artikuluaren egileari egindako elkarrizketa bat ekartzen dizuegu. Ikertzaile honek proposatzen duena zera da: ezagutzak transmititzeko forma eta metodo berriak sartzea hezkuntzan, hauek konbinatzea eta inguruarekin lotzea, eta era berean beste testuinguru batzuetatik jasotako eta askotan alde batera uzten diren konpetentzia eta trebetasunak ere kontuan hartzea.

Hona hemen aipatutako elkarrizketa:

Elkarrizketa

GURE IRITZIA:

Argi dago elkarrizketa hau ikusitako artikulua baino errazagoa dela ulertzeko. Dena den, artikuluan bezala, guri etorkizuneko irakasle bezala gehien inporta zaiguna azkeneko partean esaten duena da; hau da, egiten dituen iradokizunak.

Batetik, ordenagailuak klasetik ateratzearen ideia aipatzen du. Hori paperean oso ondo geratzen da, baina praktikara eramatean arazo batekin aurkitzen gara: ordenagailu horiek eskura dituzten ikasleak 10-12 urte bitarteko umeak direla. Eta ume hauen %80a zailtasunak dituzte gauzak behar bezala zaintzeko (beraien koadernoak nola dauden ikustearekin nahikoa da).

Bestetik, ikasleak ordenagailuekin ez ezik, bestelako teknologia batzuekin (dispositibo mugikorrak edo sakelakoak, tablets delakoak...) ere lan egitea gomendatzen du Cristobal Cobo Romanik. Gaur egun daukagun egoera ekonomikoarekin, eta hezkuntzan egiten ari diren murrizketak ikusita, ez dakigu oso eramangarria izango litzatekeen hainbeste balio duten teknologiak erabiltzea eta mantentzea.

Bukatzeko, ikasleak klasetik atera, esperientzia profesionalak izan eta arau eta parametro berrien aurka egin behar duela aipatzen du Romanik. Ideia interesgarria da, baina agian Lehen Hezkuntzako ikasleekin egiteko arriskutsua. Arrakasta handiagoa edukiko zuen DBHko edota Batxilergoko ikasleekin egingo bazen.

Eta honekin jada bukatutzat emango dugu elkarrizketa honen "analisia". Nahiz eta gure iritzian ikusi artikuluan eta elkarrizketan esaten denarekin guztiz ados ez gaudela, horrek ez du esan nahi interesgarriak ez direnik (elkarrizketa, behintzat, interesgarriagoa eta eramangarriagoa iruditu zaigu).

INFORMAZIO-TEKNOLOGIEN KONTZEPTUA. IKT DEFINIZIOEN GAINEKO "BENCHMARKING" EZAGUTZAREN GIZARTEAN

Irakurgai honetan zehar Juan Cristobal Cobo Romanik erakunde internazional eta hezkuntza erakunde ezberdinek IKT-i buruz zer ulertzen duten jasotzen du. Horretarako teknologia hauei buruz definizio bat proposatzen du, eta baita analisirako metodologia eta konpententzia digitalei buruzko proposamen kontzeptual bat ere.

IKTren kontzeptua ezagutzaren gizartean; Artikulua

Zer kontatzen digute irakurgai honetan? 

Hasteko egindako analisiaren metodologiaz hitz egiten digu egileak, kontuan hartu diren gauzetaz eta erabilitako metodoetaz. Baina artikulu edo gaiaren mamia ondoren dator, seigarren puntuan: Informazioaren analisia.

Puntu honetan aipatzen dizkigute egindako analisiaren emaitzak, hasieratik esanez EZ DAGOELA informazio eta komunikazio teknolgiei (IKT) buruzko adostutako definizio bat.

Ondoren egiten duena definizio berri bat emateko pausoak dira: ezagutzaren gizartearen kontestu ekonomiko eta sozio-teknologikoarekin bat etorri behar dela, "komunikazio" eta "informazio" kontzeptuak beharrezkoak agertzea beharrezkoa dela...

Azkenean IKTen behin betiko definizioa (egindako analisiaren emaitzen arabera) ematen digu egileak, ondoren emango duguna:

         " TIC: Dispositibo teknologikoak (hardware eta software), datuak editatu, produzitu,
           almazenatu, elkartrukatu eta trasmititzea ahalbidetzen dutenak, beti ere komunezko
           protokoloak konpartitzen dituzten informazio sistemen artean. Aplikazio hauek, in-
           formatikako eta telekomunikaziozko bitartekoak edota sareek osatzen dituztenak, ko-
           munikazioa eta elkarlan interpersonala ahalbidetzeaz gain, elkarlan multipersonala ere 
           ahalbidetzen dute. Beraz, baliabide hauek ezagutzen eraikuntzan, elkartrukean, heda-
           penean, gestioan eta sarbidean."

Irakurgaiari amaiera emateko, Romanik Teknologia Berri hauek erabiltzen dituztenak izan beharreko konpetentzia batzuk zerrendatzen ditu: Kontzientzia, Alfabetismo Teknologikoa, Informazionala, Digitala eta Mediatikoa. Hauen azalpen txiki bat ere egiten du, baina gehien inporta zaiguna lehenengo lerroetan ipintzen duena da, hauetan agertzen baita konpetentzia hauek zertaz doazen.

Gure iritzia:

Gure iritziz, artikulu honetan ez da oso argi uzten zer diren Teknologia Berriak, eta hori artikulua hauen definizioari buruz doala. Hiztegi zaila edo teknikoegia erabiltzen du egileak, eta horrek testuaren ulermena zaila izatea egiten du.

Dena den, guri irakasle bezala gehien inporta behar zaiguna, gure ustez, azkeneko orriak dira, non IKTak erabiltzen dituztenek izan beharreko konpetentziak agertzen diren, hau da, zer jakin behar duten Teknologia Berriak erabiltzen dituztenek hauek modu egoki batean erabiltzeko:

1. Argi dago ulertu behar dela Teknologia berriek informazioaren gizrtean jokatzen duten papera.

2. Baliabide teknologikoen erabilpen egokia ikasi, lan egin edota denbora pasa bezala.

3. Iturri ezberdinetatik ateratako informazioa ulertu, ebaluatu eta interpretatzeko gai izatea.

4. IKTen erabilpen estrategikoaren bidez, informazio edo ezagutza berriak sortzeko ahalmena izatea.

5. Ulertzea zelan komunikazio baliabide tradizionalak euskarri teknologiko berrietara migratzen ari diren.